मानस बिहारी वर्मा

मानस बिहारी वर्मा
वर्मा सन् २०१८ मे
जन्म	(१९४३-०७-२९)२९ जुलाई १९४३ दरभंगा, ब्रिटिश भारत
मृत्यु	४ मई २०२१(२०२१-०५-०४) (७७ वर्ष) दरभंगा, भारत
संस्कार स्थल	दरभंगा, भारत
पुरस्कार	पद्म श्री

मानस बिहारी वर्मा (२९ जुलाई १९४३ – ४ मई २०२१) भारतीय हल्का लड़ाकू विमान तेजस केर विकासमे सहायक वैमानिकी वैज्ञानिक छल। सन् २०१८ मे, हुनका भारतक राष्ट्रपतिद्वारा पद्म श्रीसँ सम्मानित कएल गेल छल।

प्रारम्भिक जीवन

वर्माक जन्म सन् १९४३ जुलाई २९ कऽ दिन दड़िभङ्गा जिला, बिहारमे स्थित घनश्यामपुर ब्लकक बोर गाममे यशोदा देवी आ आनन्द किशोर लाल दास कऽ घर भेल छल। हुनकर तीन भाए आ चारि बहीन अछि। ओ ब्रज किशोर वर्मा मणिपद्मसँ सम्बन्धित अछि, जे एक प्रसिद्ध मैथिली साहित्यकार छी।

शिक्षा

ओ अप्पन विद्यालय शिक्षा मधेपुरक जवाहर हाई स्कूलसँ पूरा केनए छल। ओकर बाद ओ राष्ट्रिय प्रौद्योगिकी संस्थान, पटना आ कलकत्ता विश्वविद्यालयमे अध्ययन केनए छल।

करियर

ओ ३५ वर्षधरि वैमानिकी धारामे रक्षा अनुसन्धान विकास सङ्गठनमे एक वैज्ञानिक केर रूपमे काज केनए छल। ओ बेङ्गलोर, नयाँ दिल्ली आ कोरापुटमे स्थापित विभिन्न वैमानिकी विभागसभमे काज केनए छल। एकर बाद हुनका तेजस विमान यान्त्रिक प्रणाली कऽ डिजाइनक लेल जिम्मेदार बनाएल गेल छल। ओ वैमानिक विकास अभिकरणमे हल्का लड़ाकू विमान दल डिजाइन दलक हिस्सा छल। ओ तेजस विमानक पूर्ण स्तर पर इन्जिनियरिङ विकासक लेल जिम्मेदार दलक नेतृत्व केनए छल। हुनका पूर्व प्रधानमन्त्री अटल बिहारी वाजपेयीद्वारा 'वर्ष वैज्ञानिक' पुरस्कार आ पूर्व प्रधानमन्त्री मनमोहन सिंहद्वारा 'प्रौद्योगिकी नेतृत्व पुरस्कार' देल गेल छल। ओ सन् २००५ मे एयरोनटिकल डेभलपमेन्ट एजेन्सीक निदेशकक रूपमे सेवानिवृत्त भेल छल।