तेज नारायण सिंह

तेज नारायण सिंह
समाजसेवी " तेज नारायण सिंह"
जन्म	महोत्तरी जिल्ला.धमौरा
राष्ट्रियता	नेपाली
नागरिकता	नेपाल
शिक्षा	स्नातक
व्यवसाय	सामाजसेवा, किसान
प्रसिद्धि कारण	किसान सभक सहयोग करब आ युवा सभकेँ सामुदायिक सहभागिता लेल प्रेरित करब।
उल्लेखनीय कार्यसभ	अपन जमीन दान कऽ धमौरा उच्च माध्यमिक विद्यालयक स्थापना केलनि।

तेज नारायण सिंह (१९३७–२०२२) महोत्तरी जिलाक एक प्रमुख नेपाली समाजसेवी छलाह। हुनकर नाम शिक्षा, कृषि आ सामुदायिक विकास क्षेत्र में उल्लेखनीय योगदानक लेल सम्मानपूर्वक लेल जाइत अछि ।

तेज नारायण सिंह के जन्म महोत्तरी जिला स्थित धमौरा गाम में भेल छल। ओ ग्रामीण क्षेत्रक शैक्षणिक विकास में सक्रिय भूमिका निभेलनि आ अपन निजी जमीन पर धमौरा उच्च माध्यमिक विद्यालय के स्थापना करि शिक्षा क्षेत्र में महत्वपूर्ण योगदान देलनि। एकर अतिरिक्त, ओ आसपासक अन्य विद्यालय सभक स्थापना आ प्रचार-प्रसार में सेहो सक्रिय सहयोग करैत रहलाह।

तेज नारायण सिंह कृषि प्रथामे विशेष रूप सँ छोट किसान सभक सहयोग करबा में अग्रणी छलाह। ओ अपन अनुभव आ संसाधनक माध्यम सँ किसानसभकेँ आधुनिक खेती आ आत्मनिर्भरता दिस मार्गदर्शन करैत रहलाह। संगहि, ओ स्थानीय युवा सभकेँ खेल, कला आ सांस्कृतिक कार्यक्रम में भाग लेबाक लेल निरंतर प्रेरित करैत रहलाह, जाहिसँ समुदाय में सक्रिय भागीदारी आ समावेशी विकासक भावना प्रबल भेल।

हाल ही में स्व. तेज नारायण सिंह के स्मृति में आयोजित हृदय स्वास्थ्य शिविर में ६०० सँ अधिक स्थानीय लोकनि के नि:शुल्क स्वास्थ्य जाँच तथा आवश्यक दवाइयां प्रदान कएल गेल।

हृदय रोग विशेषज्ञ डॉ. ओम मूर्ति अनिल द्वारा पिता–पुत्र संबंध पर आधारित लिखल पोथी "जीवंत संबंध" स्व. तेज नारायण सिंह के समर्पित कैल गेल अछि। ई पुस्तक मात्र साहित्यिक कृति नहि, बल्कि पारिवारिक संबंधक गहिराई केँ उजागर करै वाला भावनात्मक दस्तावेजो अछि। एहि पुस्तक सऽ प्राप्त भेल समस्त आमदनी बुजुर्ग आ जरूरतमंद लोकक सहायतार्थ दान कएल गेल, जे सिंहजी केर सेवा-भावना आ समाजप्रति समर्पण केँ जीवंत श्रद्धांजलि मानल जाइत अछि।