नैना जायसवाल

नैना जायसवाल
जन्म	(२०००-०३-२२) २२ मार्च २००० हैदराबाद, भारत
राष्ट्रियता	भारतीय
अभिभावक(सभ)	अश्वनी कुमार जायसवाल भाग्यलक्ष्मी जायसवाल

नैना जायसवाल (जन्म २००० मार्च २२) भारतक टेबुल टेनिस खेलाड़ी छी, जे भारतक प्रतिनिधत्व करि राष्ट्रिय आ अन्तर्राष्ट्रिय दुनू स्तर पर टेबल टेनिस प्रतियोगितसभमे भाग लैत अछि आ एखन धरि बहुत प्रतियोगिताक खिताब जितने अछि।

प्रारम्भिक जीवन

नैनाक जन्म सन् २००० मार्च २२ कें भारतक हैदराबादमे अश्वनी कुमार जायसवाल आ भाग्यलक्ष्मी जायसवालक घरमे भेल छल। नैना १३ सालक उमरमे हैदराबादक सेन्ट मेरी कौलेज सँ स्नातकक पढ़ाई पूरा केनए छल। १५ सालक उमरमे ओ अपन पोस्ट ग्रेजुएशन सेहो पूरा करि लेनए छल। एखन नैना १७ सालक उमरमे अपन पिएचडी कऽ पढ़ाई करि रहल अछि।

शिक्षा

नैना जैसवाल अपन १० कक्षाक पढाई ८ सालक उमरमे पुरा करलक।, नैना १० सालक उमरमे उच्चतर माध्यमिकक पढाई पूरा केनए छल, आ १३ सालक उमरमे स्नातक उपाधि सेन्ट मेरी कलेज सँ पूरा करलक। नैना १५ सालक उमरमे अपन स्नातकोत्तर पढाई उस्मानिया विश्वविद्यालय सँ पूरा केनए अछि आ वर्तमान समयमे ओ अपन पिएचडीक पढाई पूरा कऽ रहल अछि। ओ एशियाक सबसँ कम उमरक पोस्ट-ग्रेजुएट महिला छी।

खेल जीवन

नैना भारतक पहिल महिला टेबुल टेनिस खेलाड़ी छी जे सन् २०११ मे आइटिटिएफ विश्व होप्स टिमक लेल चुनल गेल छल। सन् २०११ मे विश्व अन्डर-१२ टेबल टेनिस प्रतियोगिता जे अस्ट्रियामे भेल छल ओहिमे नैना छठम् स्थान प्राप्त केनए छल। सन् २०११ मे सम्पन्न भेल इन्डियन ओपन टेबल टेनिस प्रतियोगितामे ओ अपन टिमक सङ्ग स्वर्ण पदक जीतऽमे सफल भेल छल। तहिना इन्डियन ओपन २०११ टेबल टेनिस प्रतियोगिताकें एकल विधामे ओ कास्य पदक जीतऽमे सफल भेल छल।