सम्मान हत्या

सम्मान हत्या या सम्मान रक्षार्थ कएल गेल हत्या कोनो व्यक्ति परिवारक मान, प्रतिष्ठा आ इज्जत उपर दाग लगेलक सोचि कएल एक प्रकारक हत्या छी। कियो व्यक्ति केर हत्या पश्चात् परिवारक चलि गेल इज्जत आ प्रतिष्ठा फेर आबि जाएत कहिँ विश्वास राखि एहन कुकृत्य कएल जाएत अछि। प्रायः परिवारक महिला सदस्यसभ एकर शिकार बनल एकर इतिहास अछि।

बहुतेक मानवअधिकारवादी समूह तथा राष्ट्रिय अन्तर्राष्ट्रिय कानूनसभ एहन हत्या केर गलत संज्ञा देनए अछि मुदा किछ संस्कृति आ समुदायमे ई एखनो कायम रहल अछि। बहुत रास अवस्थामे गामक लोकसभक दवाब, प्रभाव आ टिप्पणी केर कारण परिवार नहि चाहितो एहन घटना करवाक लेल विवश भऽ जाएत अछि।

इज्जतक लेल कएल हत्याक किछ कारणसभ:

• विआहसँ पहिने कोनो पुरुष या महिला आपसी सम्बन्धमे होनाए
• पृथक धर्म, जात, जाति, समुदाय या सम्प्रदायक व्यक्तिसँ प्रेमसम्बन्ध कायम होनाए
• मागी विआह करवाक लेल अस्वीकार केनाए
• सम्बन्ध विच्छेदक माग केनाए
• धर्म, प्रथा, परम्परा, संस्कृति आ प्रचलनद्वारा स्वीकार नै कएल वस्त्रसभ लगेनाए,
• तेसर लिङ्गी होनाए,
• यौन उत्पिडनक शिकार बनलाक बाद

उपर्युक्त सम्पूर्ण अवस्थामे परिवार अप्पन कुल, वंश, धर्म, संस्कृति आदि केर अपमान भेल गलत ठहर करैत अप्पन इज्जत बचेबाक नाममे अपने परिवारक सदस्यक हत्या करि दैत अछि।

यद्यपि पुरूष आ महिला दुनू एकर शिकार भऽ सकैत अछि मुदा अधिकतर अवस्थामे महिला बेसी पीडित होइत अछि। पुरूषसभ महिला स्वतन्त्रता आ मानवअधिकार केर निस्तेज बनेबाक लेल परिवारक प्रतिष्ठाकेर पगडी गुथैत अछि।

सम्मान हत्या संसारक बहुतेक भागसभ होइत अछि। मध्यपूर्व, उत्तर अफ्रिका आ दक्षिण एसियामे (विशेष करि भारत, पाकिस्तान आ नेपाल) एहन प्रकृति केर घटना बेसी प्रकाशमे आबैत अछि। फिलिपिन्स, पूर्वी अफ्रिका आ ल्याटिन अमेरिकामे सेहो एकर प्रभाव अछि तँ विगत किछ समयसँग युरोप सेहो एकर चपेटमे छल। सम्मान हत्याक घटना अन्तराष्ट्रिय आप्रवासी परिवारमे समेत देखल गेल अछि। गाम होए या शहर, एहन घटना दुनू ठाम घटित होइत देखल गेल अछि।

बाह्य जडीसभ

• ज्यानमारा इज्जत (कान्तिपुर कोशेली)