पाग

मिथिलाक लाल पाग

पाग नेपाल आ भारतक मिथिला क्षेत्रमे बसोबास केनिहार मैथिलसभ द्वारा माथपर पहिरल जाएत अछि। एकरा हिन्दू वेद तथा संस्कृत भाषामे सिरवश्त्रम कहल गेल अछि। एकर प्रयोग मिथिलाक पारम्परिक सभ्यताक प्रदर्शन करैत अछि। ई सम्मान आ गर्वक प्रतीक होइत अछि।

इतिहास आ शैली

प्राचीन समयमे एकरा पात आदिसँ बनाएल जाएत छल, मुदा एखन एकरा कपड़ासँ बनाएल जाए लागल अछि। विशेष रूपसँ ई लाल, पीयर अथवा उज्जर रङ्गक भैटेत अछि। पागक संस्कृति बचेवाक लेल विभिन्न अभियान चलाएल जा रहल अछि। कालान्तरमे मुख्य रूपेँ पाग मिथिला क्षेत्रक ब्राह्मण ओ कायस्थ समूह द्वारा लगाएल जाइत छल मुदा वर्तमान समयमे एकर प्रयोग मिथिलाक प्रत्येक समुदाय द्वारा कएल जाइत अछि।लाल रङ्गक पाग दुल्हा आ पूजा पाठ मे पुरुष द्वारा लगाएल जाएत अछि। पीयर रङ्गक पाग मुख्य रूपेँ वैवाहिक उत्सव मे सम्मिलित होमएवला लोकसभ द्वारा लगाएल जाइत अछि तँ छोट बच्चा आ प्रबोधकसभ उज़्जर रङ्गक पाग लगबैत छथि।

सन्दर्भ सामग्रीसभ

व

एहो सभ देखी

• मिथिला
• विद्यापति
• दरभंगा