वेश्यावृत्ति

मैथिली विकिपिडियासँ, एक मुक्त विश्वकोश
मेक्सिकोक टिजुआनामे ग्राहक इन्तजारमे एक वेश्या

आर्थिक लाभक लेल अन्य पुरुषसँ यौन सम्बन्ध राखनाए या कोनो भी प्रकारक यौन सेवा प्रदान केनाए वेश्यावृत्ति या देहव्यापार कहलाबैत अछि ।[१] एहि प्रकार वेश्यावृत्ति केनिहार महिलाके वेश्या या यौनकर्मी कहल जाइत अछि, तँ सेवा लेनिहारके विविध नामसँ जानल जाइत अछि । वेश्यावृत्ति यौन व्यापारक एकटा अंश छी । वेश्यावृत्ति सम्बन्धि कानुन सेहो राष्ट्र अनुसार अलग अलग होइत अछि । कतौ कतौ वेश्यावृत्तिके विश्वक सबसँ पुरान पेशाक रुपमे लेल पावल जाइत अछि ।[२]संस्कृत कोशमे ई वृत्ति धारण केनिहार महिलासभक लेल विभिन्न संज्ञा देल गेल अछि । वेश्या, रूपाजीवा, पण्यस्त्री, गणिका, वारवधू, लोकाङ्गना, नर्तकी आदिक गुण आ व्यवसायपरक अमिघा छी - 'वेशं (बाजार) आजोवो यस्या: सा वेश्या' (जकर आजीविकामे बाजार हेतु होए, 'गणयति इति गणिका' (रुपया गिनैवाली), 'रूपं आजीवो यस्या: सा रूपाजीवा' (सौन्दर्य मात्र जकर आजीविकाक कारण होए); पण्यस्त्री - 'पण्यै: क्रोता स्त्री' (जकरा रुपया दऽ आत्मतुष्टिक लेल क्रय करि लेल गेल होए)।

इतिहास[सम्पादन करी]

वेश्यावृत्ति लगभग सभ सभ्य देशसभमे आदिकालसँ विद्यमान रहल आयल अछि । एकरा सदैव सामाजिक यथार्थक रूपमे स्वीकार कएल गेल अछि आ विधि आ परम्पराद्वारा एकर नियन्त्रण होइत रहल अछि ।[३] सामन्तवादी समाजमे ई अभिजातवर्गक कलात्मक अभिरुचि आ पार्थिव गौरवप्रदर्शनक माध्यम छल । आधुनिक यान्त्रिक समाजमे ई लोकसभक विवशता, मानसिक विक्षेप, भोगैषणा आ निरन्तर बढैत आन्तरिक कुन्ठाक क्षणिक उपचारक साधन छी । वस्तुत: ई विघटनशील समाजक सहज अङ्गक रूपमे विद्यमान रह अछि । सामाजिक स्थितिमे आरोह अवरोह आबैत रहल अछि, मुदा एकर अस्तित्व अक्षुण्ण, अप्रभावित रहल अछि । पश्चिमी भागक प्राचीन देशसभमे वेश्यावृत्ति धार्मिक अनुष्ठानसभक साथ सम्बन्ध रहल अछि ।

वेश्यावृतिक कारण[सम्पादन करी]

आधुनिक युगमे नारीसभके वेश्यावृत्ति दिस प्रेरित केनिहार प्रमुख कारण निम्नलिखित अछि-

  वेश्यावृत्ति कानूनी आ विनियमित
  कानूनी वेश्यावृत्ति, मुदा वेश्यालयसभ अवैध अछि
  अवैध वेश्यावृत्ति
  कोनो डेटा नै

आर्थिक कारण[सम्पादन करी]

अनेक महिलासभ अपन आ आश्रितसभक भुखक ज्वाला शान्त करैक लेल विवश भऽ ई वृत्तिके अपनाबैत अछि । जीविकोपार्जनक अन्य साधनसभक अभाव तथा अन्य कार्यसभक अत्यन्त श्रमसाध्य आ अल्वैतनिक होमएक कारण वेश्यावृत्ति दिस महिला आकर्षित होइत अछि ।

सामाजिक कारण[सम्पादन करी]

सन्दर्भ सामग्रीसभ[सम्पादन करी]

  1. "Prostitution Law & Legal Definition"। US Legal। अन्तिम पहुँच 19 March 2013
  2. The prostitution of women and girls - Page 5; Ronald B. Flowers - 1998
  3. "Iran – Facts on Trafficking and Prostitution"। Uri.edu। अन्तिम पहुँच 23 May 2010

बाह्य जडीसभ[सम्पादन करी]