एलेनुस तेरियन

एलेनुस तेरियन Alenoush Terian
एलेनुस तेरियन
जन्म	(१९२१-११-०९)९ नवम्बर १९२१ तेहरान, इरान
मृतु	४ मार्च २०११(२०११-०३-०४) (८९ वर्ष) तेहरान, इरान
हाल निवास	डब्लब सिमेट्री
निवास	तेहरान, इरान
राष्ट्रियता	इरानियन-अर्मेनियन
क्षेत्र	भौतिक विज्ञान, खगोल
अल्मा मेटर	तेहरान विश्वविद्यालय, सोरबोन विश्वविद्यालय
Academic advisors	कम्लोद्दीन जेनाब
प्रसिद्धि	आधुनिक इरानी खगोल विज्ञानक माताक रुपमे जानल जाएत अछि

एलेनुस तेरियन (Armenian: Ալենուշ Տէրեանcode: hy is deprecated ; फारसी: آلنوش طریان; also: آلنوش تریان‎‎; नवम्बर ९, १९२१ – मार्च ४, २०११), एक इरानी-अर्मेनियाई खगोलविद् आ भौतिक शास्त्री छल आ हुनका 'मदर अफ मोडर्न इरानी खगोल विज्ञानी' कहल जाएत अछि।

प्रारम्भिक जीवन

तेरियनकें जन्म इरानक तेहरानमे एक अर्मेनियाई परिवारमे भेल छल। हुनकर पिता अर्तो, एक मञ्च निर्देशक, कवि आ अनुवादक छल (ओ अपन लेखक नाम अरिजाद राखने छल) जे फारसी भाषा सँ अर्मेनियाईमे शाहनामकें अनुवाद केनए छल। हुनकर माता वर्तु, रङ्गमञ्च अभिनेत्री आ निर्देशक छल।

शिक्षा

तेरियन सन् १९४७ मे तेहरान विश्वविद्यालयक विज्ञान विषयममे स्नातक उतिर्ण केनए छल। ओ ई विश्वविद्यालयकें भौतिकी प्रयोगशालामे अपन करियर शुरू केनए छल आ ओहि वर्ष प्रयोगशाला सञ्चालनक प्रमुख चुनल गेल छल।

ओ अपन अध्ययनकें निरन्तरताक लेल फ्रान्समे अध्ययन करवाक लेल छात्रवृत्ति हस्ताक्षर केलक मुदा डाक्टर हेसाबी एकरा स्वीकार नै केलक। हुनकर माननाए छल कि एकटा महिलाक लेल एतेक बेसी अध्ययन पर्याप्त अछि। अन्तमे ओ अपन पिताक वित्तीय सहयोग सँ, फ्रान्समे अध्ययन करवाक लेल इरान छोड़ि देलक जतय ओ सन् १९५६ मे सोरबोन विश्वविद्यालय सँ वायुमण्डलीय भौतिकीमे डक्टरेटक उपाधि प्राप्त केनए छल। एकर बाद ओ पुन: इरान आबि गेल आ तेहरान विश्वविद्यालयमे ऊष्मप्रवैगिकीमे सहायक अध्यापक बनि गेल। बादमे ओ तत्कालीन पश्चिमी जर्मनीमे सोलर फिजिक्समे चारि महिना धरि एक छात्रवृत्तिक माध्यम सँ काज केनए छल, जकरा जर्मन सरकारद्वारा तेहरान विश्वविद्यालयकें प्रदान कएल गेल छल।