जुड़ शीतल

जुड़ शीतल या मैथिल नव वर्ष या मिथिला दिवस मिथिलाक नव वर्षक उमङ्गक दिन छी। ई दिन विक्रम सम्वत क्यालेण्डरमे बैशाख महिनाक प्रथम दिन पड़ैत अछि। मैथिल लोकसभ एहि दिन करी-बरी आदि केराक पात पर खाएत छैक। ई दिन प्रायः अङ्ग्रेजी क्यालेण्डरक १४ अप्रिल पड़ैत अछि।

ई दिन सँ एक दिन पूर्व माने १३ अप्रिल कऽ सतुवाएन सेहो मनाओल जाइत अछि, जाहिमे लोकसभ सतुआक खान पिअन करैत अछि।

आधिकारिक महत्त्व

बहुतरास आवाज उठलाक बाद, बिहार सरकारद्वारा एहि दिनकेंँ आधिकारिक मान्यता सन् २०११ मे मिथिला दिवसक रूप मे देनए छल। प्रत्येक वर्ष एहि दिनमे बिहार सरकारद्वारा सार्वजनिक बिदा घोषित रहैत अछि।

एहो सभ देखी

• मिथिला
• बिहार
• दरभंगा
• विद्यापति