एलनाज नोरौजी

एलनाज नोरौजी Elnaaz Norouzi
जन्म	(१९९२-०७-०९) ९ जुलाई १९९२ तेहरान, इरान
अन्य नामसभ	नाज नोरौजी
व्यवसाय	अभिनेत्री मोडल
सक्रिय वर्ष	२००८-वर्तमान
वेबसाइट	elnaaznorouzi.com

एलनाज नोरौजी (फारसी: الناز نوروزی‎‎; जन्म ९ जुलाई १९९२)एक इरानी अभिनेत्री आ मोडल छी, जे चलचित्र आ टेलिभिजन क्षेत्रमे अभिनय करैत अछि। ओ नेटफ्लिक्स इन्डियाक पहिल मूल धारावाहिक सेक्रेड गेम्समे जोया नामक पात्र केर भूमिका केनए छल। ओ गुरु रन्धावाक सङ्गीत भिडियो 'मेड इन इन्डिया'मे सेहो अभिनय केनए अछि। सन् २०१८ मे प्रदर्शित भेल बलिउड चलचित्र 'खिदो खुन्डी' सँ ओ अपन अभिनय जीवनक सुरुवात केनए छल।

प्रारम्भिक जीवन आ करियर

एलनाज नोरौजी कऽ जन्म इरानक तेहरानमे भेल छल। सन् १९९२ मे ओ अपन परिवारक सङ्ग जर्मनीक शहर ह्यानोभर चलि गेल। मात्र १४ वर्षक उमरमे ओ अपन मोडलिङ्ग करियरक आरम्भ केनए छल, एके समय पर विद्यालय जेनाए आ सप्ताहक अन्तमे छायकारी करवाक प्रबन्ध केनाए हुनकर जीवनक एक अभ्यास भऽ गेल छल। १९ वर्षक उमरमे ओ एसिया आ युरोप घुमि चुकल छल। विद्यालयसँ डिग्री प्राप्त केलाक बाद ओ भारत जेवाक निर्णय लेलक।

एलनाज एखन धरि थम्स अप, टाइटन रागा, मिन्त्रा, क्यानन, सामसुङ, बिइङ्ग ह्यूमन, फियामा डी विल्स, ले कक स्पोर्टिफ आ डियोर जका भारतीय उत्पादक प्रचार प्रसार केनए अछि। ओ पाकिस्तानक चलचित्र उद्योग आ पञ्जाबी चलचित्र उद्योगमे 'मान जाओ ना' आ 'खिदो खुन्डी' नामक चलचित्रमे अभिनय करि अपन करियरक आरम्भ केलक। एकर बाद ओ नेटफ्लिक्सक धारावाहिक सेक्रेड गेम्समे अभिनय केनए छल।