बुद्ध स्मृति उद्यान

बुद्ध स्मृति उद्यान
बुद्ध स्मृति पार्क Buddha Memorial Park
बुद्ध स्मृति उद्यानमे रहल पाटलिपुत्र करुणा स्तूप
{{{base_caption}}} पटनामे स्थान
प्रकार	शहरी उद्यान
स्थान	फ्रेजर रोड, पटना, भारत
निर्देशाङ्क	२५°३६′२४″उ॰ ८५°८′१०″पू॰
क्षेत्रफल	२२ एकड़
सञ्चालनकर्ता	बिहार शहरी आधारभूत संरचना विकास निगम
खुला	खुला
अवस्था	सक्रिय
संरचना निर्माण लागत	₹१२५ करोड (युएस$१८.८७ मिलियन)
वेबसाइट	buddha-smriti-park.com

बुद्ध स्मृति उद्यान बिहारक राजधानी पटनाक पटना जङ्क्सन रेलवे स्टेसन नजदिके २२ एकड़ ज़मीन पर १२५ करोड़ रुपया केर लागतसँ बनल एक उद्यान छी। एकर मध्य भागमे २०० फिट ऊँच एक स्तूप बनाएल गेल अछि। एहि उद्यानमे छ टा देशसभसँ लाएल गेल 'बुद्ध अस्थि अवशेष' कऽ मञ्जुषासभ राखल गेल अछि। सन् २०१० मई २७ कऽ बुद्ध पूर्णिमाक दिन तिब्बतीसभक धर्मगुरु दलाई लामाद्वारा ई उद्यान जनतासभक लेल समर्पित कएल गेल छल। ओ ई स्तूपकेँ पाटलिपुत्र करुणा स्तूपक नाम देनए छल। दुनिया भरि सँ पटना आएल बौद्ध पर्यटकसभक लेल ई एक आकर्षणक केन्द्र छी।

अवलोकन

पार्कक निर्माण ओहि स्थान पर कएल गेल अछि जतय कहियो ब्रिटिश कालक ऐतिहासिक बाँकीपुर केन्द्रीय जेल मौजूद छल। पटनाक बाहरी इलाका बेउरमे एक टा नव केन्द्रीय जेल निर्माण भेलाक बाद ई पार्कक काम आरम्भ कएल गेल छल। ई पार्क बिहारक मुख्यमन्त्री नीतीश कुमारक दिमागक उपज छी। तिब्बती आध्यात्मिक नेता, दलाई लामा ई बुद्ध स्मृति पार्कक सन् २०१० मई २७ केँ उद्घाटन केनए छल आ दुई टा पौधा रोपने छल जहिमे सँ एक टा पौधा बोधगयासँ लाएल गेल छल आ दोसर पवित्र बोधि वृक्षक पौधा श्रीलङ्काक अनुराधापुरासँ लाएल गेल छल। मानल जाएत अछि कि बोधगयामे मूल महाबोधि वृक्षक एक शाखाकेँ सम्राट अशोकक पुत्र महेन्द्रद्वारा श्रीलङ्काक अनुराधापुरसँ लऽ गेल छल।