2.0 (चलचित्र)

२.० (एन्थीरान २)
निर्देशक	एस शंकर
निर्माता	ए. सुभाषकरण
बृत्तान्त वर्णन	एस शंकर
पटकथा	एस शंकर
संवाद	बी. जयमोहन मदन कार्की एस शंकर
कलाकार	रजनीकान्त अक्षय कुमार एमी ज्याक्सन
सङ्गीतकार	ए.आर. रहमान
छायाँकनकर्ता	निरभ शाह
सम्पादनकर्ता	एन्थोनी
निर्माण कम्पनी	लाइका प्रोडक्सन्स
द्वारा वितरित	लाइका प्रोडक्सन्स धर्मा प्रोडक्सन्स एनभीआर सिनेमा एलएलपी एए फिल्म्स
प्रदर्शित तिथि	२९ नवम्बर २०१८ (२०१८-११-२९)
समयाविधि	१४७ मिनट
देश	भारत
भाषा	तमिल
बजेट	४००–६०० करोड

२.० सन् २०१८ केरऽ एकटा भारतीय तमिल भाषाक थ्रीडि साइन्स-फिक्सन एक्शन फिल्म छि, जे एस. शंकरद्वारा निर्देशित अछि, जाहिमे बी. जयमोहन आ मदन कार्की सह-लेखन केने छल - लाइका प्रोडक्सन्स केरऽ ब्यानरक नीचा सुभाषकरणद्वारा निर्मित । एन्थिरन (रोबोट) फिल्म श्रृंखलाक दोसर संस्करणक रूपमे, २.०, एन्थिरन (२०१०)क एकटा स्टयान्डअलोन सीक्वल छि, स्टयान्डअलोन मतलब जेकर सरोकार अन्य बाँकी कुनु फिल्मसँ नै होए आ जेकर सिक्वल सेहो बनत कि नाई ओकर सेहो कुनु निश्चित नै भेल । जाहिमे रजनीकान्त वसीगरन आ चिट्टी द रोबोटक भूमिका केरऽ दोहरेने अछि, साथे-साथ अक्षय कुमार पक्षी राजन आ एमी ज्याक्सन नीला केरऽ भूमिका निर्वाह केने अछि। ई छोडि, सुधान्शु पाण्डे, आदिल हुसैन, कलाभवन शाजान आ के. गणेश सहायक भूमिकामे दिखाई दैत अछि। साउन्ड ट्रयाक ए. आर. रहमानद्वारा रचित यऽ, गीत मदन कार्की आ ना.मुथुकुमारद्वारा लिखल् गेल अछि। फिल्म चिट्टी, जे कि एकटा ह्यूमनोइड रोबोट छि ओ एक बेरि नष्ट भऽ जाइत् अछि आ पूर्व पक्षी विज्ञानी पक्षी राजनक बीच संघर्षक ऊपर आधारित अछि, जे पक्षीसभक संख्यामे आबऽ वला कमीकें रोकवाक लेल सेल फोन (मोबाइल फोन) उपयोगकर्तासभसँ प्रतिशोध लेबाक चाहैत अछि।

४०० सँ ६०० करोडक अनुमानित बजेटद्वारा निर्मित, २.० अपन रिलीजक समयकें सभसँ महग भारतीय फिल्म छि आ एखन धरि केरऽ सभसँ महग फिल्मसभमे सँऽ एक छि। ऐ फिल्मक उत्पादन सन् २०१५ केरऽ अन्तिममे एभीएम स्टूडियोमे मुख्य फोटोग्राफीक साथ मे शुरू भेल। पहिला शेड्यूल ईभीपी वर्ल्डमे फिल्माओल गेल छल। दृश्य मुख्य रूपसँ भारतमे फिल्माओल गेल, विशेष करि चेन्नई कें मद्रास बोट क्लब आ दिल्ली के जवाहरलाल नेहरू स्टेडियममे। फिल्मांकन सन् २०१७ अगस्त धरि पूरा भऽ गेल छल। ई फिल्म भारतीय सिनेमाक पहिल फिल्म अछि जेकरा मूल रूप सँ थ्रीडिमे शूट कएल गेल छल, जे शुट सिनेम्याटोग्राफर नीरभ शाह केनए छल। फिल्मकें मुख्य रूपसँ तमिल भाषामे शूट कएल गेल छल जखन कि अक्षय कुमार आ किछ अभिनेतासभक संवाद हिन्दी भाषामे शूट कएल गेल छल। एहि फिल्म मार्फत भी. श्रीनिवास मोहन, दृश्य प्रभावसभक साथ कृत्रिम मेकअप आ एनिमेट्रोनिक्सक निर्माणमे अपन वापसी केने छल। सम्पादन एन्थोनीद्वारा सम्हारल गेल छल आ प्रोडक्सन् डिजाइन टी. मुथुराजद्वारा संचालित कएल गेल छल।

२.० केरऽ ३० नवम्बर सन् २०१८ मे एकर हिन्दी आ तेलुगु डब संस्करण के साथ थ्रीडी आ पारम्परिक सिनेम्याटोग्राफी दुनु प्रारूपमे दुनिया भरिमे रिलीज कएल गेल छल। एकरा अधिकांश सकारात्मक समीक्षा मिलल्, जाहिमे फिल्म केरऽ एकदम नवीन कहानी, निर्देशन, रजनीकान्त आ अक्षय कुमारक प्रदर्शन, दृश्य प्रभाव, एक्शन अनुक्रम, साउन्डट्रयाक आ सामाजिक सन्देशक प्रशंसा कएल गेल, मुद्दा पटकथाकें किछ आलोचना सेहो मिलल्। फिल्म ६१५.७४ सँ ८०० करोड भारतीय रुपैयाँ केरऽ कमाई केलक आ वर्तमानमे ई भारतमे ७म् सभसँ बेसी कमाई करऽ वला फिल्म, १०म् सभसँ बेसी कमाई करऽ वला भारतीय फिल्म आ दोसर सभसँ बेसी कमाई करऽ वला तमिल फिल्म छि। ई फिल्म केरऽ अपन वैज्ञानिक सामग्रीक कारण नेपालमे स्कूलक छात्र-छात्रासभक लेल प्रदर्शित कएल गेल छल।

पुरस्कारसभ

वर्ष	पुरस्कार	श्रेणी	प्राप्तकर्तासभ आ नामांकित भेल सभ	परिणाम	टिप्पणीसभ
२०१८	आनन्द विकटन सिनेमा पुरस्कार	सर्वश्रेष्ठ सिनेम्याटोग्राफर	नीरभ शाह	विजयी
		सर्वश्रेष्ठ मेकअप आर्टिस्ट	बानु ए.आर. अब्दुल रज्जाक लिगेसी इफेक्टस	विजयी
		सर्वश्रेष्ठ एनिमेसन एण्ड भीजुअल इफेक्टस	भी. श्रीनिवन मोहन शंकर	विजयी
		तल अफ दी टाउन	२.०	विजयी
२०१९	एसियन फिल्म अवार्ड्स	सर्वश्रेष्ठ भीजुअल इफेक्ट्स	भी श्रीनिवास मोहन	नामाङ्कित	[कृपया उद्धरण जोड़ी]
		सर्वश्रेष्ठ साउण्ड	रेसुल पूकूटी	नामाङ्कित
२०१९	६४अम् फिल्मफेयर अवार्ड्स दक्षिण	सर्वश्रेष्ठ सहायक अभिनेता का फ़िल्मफ़ेयर पुरस्कार - तमिल	अक्षय कुमार	नामाङ्कित	[कृपया उद्धरण जोड़ी]

बाह्य जडीसभ

• 2.0 बक्स अफिस मोजो पर
• 2.0 इन्टरनेट चलचित्र भण्डारण पर
• 2.0 बलिउड हङ्गामा पर
• 2.0 फेसबुक पर